Twitter-ը Սոլթ Լեյք Սիթիում տվյալների մշակման կենտրոն կհիմնի

Twitter միկրոբլոգների ծառայությունը հայտարարություն է տարածել այն մասին, որ ԱՄՆ-ի Յուտա նահանգում պատրաստվում է կառուցել տեղեկատվական կենտրոն, հաղորդում է BusinessInsider-ը: Հատկանշական է, որ Յուտան մյուս նահանգներից տարբերվում է իր էլեկտրաէներգիայի  ցածր սակագներով և բիզնեսի նկատմամբ ընկերական մոտեցմամբ: Ընկերության առաջատար ծրագրային մշակման մասնագետ Ժան-Փոլ Կոզատին հայտարարել է, որ Twitter-ի ցանցային ռեսուրսի տեխնիկական գործունեությունն այսուհետ կկենտրոնանա Սոլթ Լեյք Սիթիում: Ժան-Փոլ Կոզատին նաև բացատրել է այս քայլը որպես անհրաժեշտություն սոցցանցի համար` բավարարելու իր ծառայությունների նկատմամբ լրացուցիչ` մոտ 100 մլն օգտատերերի պահանջարկը: Յուտայի նահանգապետի խոսքով` իր նահանգը տեխնիկապես զարգացած աշխատուժ ունեցող միջավայր է, որն իդեալական ռեսուրս է այնպիսի ընկերությունների համար, ինչպիսին Twitter-ն է: