App Store-ը հաղթահարել է 50 մլրդ բեռնումների շեմը

Ամերիկյան Apple տեխնոլոգիական ընկերության App Store օնլայն խանութից բեռնված ծրագրերի քանակը մայիսի 15-ի դրությամբ կազմել է 50 մլրդ, հաղորդում է BusinessInsider-ը: Apple-ը որոշել է գումարային մրցանակ շնորհել այն օգտատիրոջը, որը կբեռնի 50-միլիարդերորդ բջջային ծրագիրը: Հաջողակը ընկերության կողմից կստանա $10 հազ. արժողությամբ նվեր քարտ, որի օգնությամբ կկարողանա գնումներ կատարել App Store-ից: Նրա անունը կհրապարակվի մոտ ժամանակում: Իսկ հաջորդ 50 օգտատերերը կստանան 500-դոլարանոց նվեր քարտ: Հիշեցնենք, որ 2013թ. հունվարին Apple-ը հայտարարել էր բեռնված բջջային ծրագրերի 40 մլրդ-ի շեմը հատելու մասին, ինչը նշանակում է, որ 4 ամսվա ընթացքում բեռնվել է մոտ 10 մլրդ բջջային ծրագիր կամ 78,1 մլն` մեկ օրում: Apple-ի կանխատեսմամբ` 2013թ. վերոնշյալ բեռնումների թիվը կկազմի 70 մլրդ: