Ներկայացվել է Google Maps-ի թարմացված տարբերակը

Մայիսի 15-ին Սան Ֆրանցիսկոյում մեկնարկել է Google տեխնոլոգիական ընկերության ամենամյա Google I/O համաժողովը, որի շրջանակում ներկայացվել են տեխնոլոգիական մի շարք նորույթներ: Մասնավորապես, ներկայացվել է Google Maps քարտեզագրման ծառայության բրաուզերային տարբերակը, հաղորդում է Verge-ը: Նոր սերնդի քարտեզներն ունեն թարմացված ինտերֆեյս (միջերես)` այլ գործառույթների (լուսանկարներ, փողոցների դիտում, 3D տեսք, նավիգացիա և օգտատերերի խորհրդատվություններ) հարմարավետ ինտեգրման գործառույթով: Քարտեզի վրա որևէ օբյեկտ ընտրելով, օրինակ` ռեստորան, այն ավտոմատ կերպով փոփոխվում է` ցուցադրելով մյուս բոլոր հաստատությունները, որոնք կարող են հետաքրքրել օգտատիրոջը: Google Maps-ի թարմացված տարբերակը դեռ հասանելի է միայն փակ փորձարկումների համար, իսկ նրա թողարկման ժամկետի մասին տեղեկություններ դեռ չեն հաղորդվում: