Яндекс-ը որոնողական նոր ծրագիր է ներկայացրել

Ռուսական Яндекс ինտերնետային ընկերությունն այսօր` մայիսի 16-ին, ներկայացրել է որոնողական նոր` Острова հարթակը, հաղորդում է «Վեստին»-ն: Նախկինում թողարկված որոնողական հարթակներից Острова-ն տարբերվում է որոնման արդյունքում ստացված ինտերակտիվ պատասխաններով: Ակնկալվում է, որ ինտերակտիվ տեսքի օգնությամբ օգտատերերը հնարավորություն կունենան փոխգործակցել ծառայության հետ անմիջապես ստացված տվյալների էջում: Իր կորպորատիվ բլոգում նոր որոնման համակարգը ներկայացրել է ավիատոմսերի գրանցման օրինակը: Եթե նախկինում հարկավոր էր գտնել ավիաընկերության կայքը, այնուհետ անցնել գրանցման գործընթացին, ապա այժմ, Острова հարթակը հնարավորություն է տալիս լրացնել գրանցման օնլայն ձևաթուղթը` առանց կայքի օգնությանը դիմելու: Նոր հարթակի բետտա տարբերակը հասանելի կլինի 2013թ. հուլիսին, սակայն փորձառնական տարբերակն արդեն հասանելի է բջջային ծրագրերի մշակման մասնագետների և ծառայության սեփականատերերի համար: