Google-ը միասնական չաթ է ներկայացրել

Ամերիկյան Google տեխնոլոգիական ընկերությունը Սան Ֆրանցիսկոյում մայիսի 15-ին մեկնարկած ամենամյա Google I/O համաժողովի շրջանակում հայտարարել է հաղորդագրությունների փոխանակման ծրագրի նոր տարբերակի մասին, որը ներառում է Google Talk, Google+ Messenger և Google Hangout ծառայությունները և հնարավորություն է տալիս փոխանակել ակնթարթային հաղորդագրություններ, լուսանկարներ և ստեղծել խմբային տեսահաղորդագրություններ: Հիշեցնենք, որ համացանցում տեղեկություններ էին հայտնվել այն մասին, որ համաժողովի մի մասը նվիրված է լինելու ամպային տեխնոլոգիաներին: Վերջերս ընկերությունը հաղորդել էր, որ մտադիր է փոփոխությունների ենթարկել տվյալների պահպանման ամպային ծառայության մոտեցումները, ինչի արդյունքում բոլոր ծառայությունները կունենան մեկ միասնական վիրտուալ տարածություն: