Civilnet
Այն պահից սկսած, երբ Հայաստանում ամբողջ ընդդիմությունը միանա, այլ պրոցեսներ կսկսվեն. «Արմնյուզ»-ի հյուրասրահում նշեց «Ժառանգություն» կուսակցության փոխնախագահ Արմեն Մարտիրոսյանը: «Կոնսոլիդիացիան պետք էր հատկապես նախագահական հետընտրական պրոցեսներում, մինչդեռ այդ ժամանակ հիմնականում պայքարում էին «Ժառանգություն»-ն ու որոշ չափով Դաշնակցությունը»,- նշեց նա:
Ընդդիմության լիարժեք կոնսոլիդացիան, ըստ Մարտիրոսյանի, կբերի «իրավիճակի փոփոխության և արտահերթ ընտրությունների»:
Երևանի ավագանու ընտրությունների ժամանակ արձանագրված խախտումների մասին արդեն հատորներ են պատրաստ, և դրանցում ներառված փաստերը ներկայացվել են դատարանին. «Եթե մենք այլ կարգավիճակի պետություն ունենայինք, մի-երկու դրվագը բավական կլիներ, որ ընտրությունները անվավեր ճանաչվեին, բայց մենք Հայաստանում ենք ապրում»,- նշեց Մարտիրոսյանը:
«Ժառանգության» փոխնախագահի խոսքով՝ վերահաշվարկի պահանջը ոչ թե արդարության վերականգնմանն ուղղված քայլ էր, այլ հետագա ընտրությունների համար համակարգ ստեղծելու հիմք: «Սա հետագա ընտրությունների համար տեխնոլոգիական քայլեր իրականացնելու միջոց էր, թե ինչպես պետք է դրանք կազմակերպվեն»,- նշեց նա:
Պատմություններ
