MacBook Air-ը կթարմացվի. AppleInsider

Ամերիկյան Apple տեխնոլոգիական ընկերությունը մտադիր է թարմացնել իր MacBook Air նոութբուքների շարքը` կատարելագործելով ապարատային միջուկը, հաղորդում է AppleInsider-ը: Վկայակոչելով MacConnection-ի իր աղբյուրները` AppleInsider-ը հաղորդում է, որ մոտ ապագայում ակնկալվում է 1,8 ԳՀց հաճախականությամբ Intel Core i5 և 256 Գբ SSD հիշողության կուտակման սարքով Air նոութբուքի շնորհանդեսը: Նշվում է նաև, որ արևմտյան մի շարք խոշոր ռիթեյլերներ Apple-ից ծանուցումներ են ստացել MacBook Air-ի մոտալուտ թարմացման մասին: Ակնկալվում է, որ MacBook Air-ը կներկայացվի հունիսի 7-ին Apple WWDC համաժողովի շրջանակում: Փորձագետները նշում են, որ նոր Apple Macbook Air-ը կպահպանի իր ուլտրաբարակ կորպուսը, որի հետևանքով չի ունենա Retina էկրան: Գնային առումով այն գրեթե համարժեք կլինի իր նախորդ մոդելին: