iPad 5-ի փորձնական արտադրությունը կմեկնարկի մոտ ապագայում

Ամերիկյան Apple տեխնոլոգիական ընկերությունը 9,7-դյույմանոց էկրանով 5-րդ սերնդի iPad պլանշետի փորձնական արտադրությունը կսկսի մոտ ապագայում, իսկ մեծածախ վաճառքի կհանի 2013թ. հուլիսին: Ակնկալվում է, որ սեպտեմբերին iPad 5-ի մատակարարումների թիվը կկազմի 2-3 մլն, հաղորդում է Digitimes-ը: iPad 5-ը կունենա Retina էկրան, որի ապակե բաղադրիչը և շրջանակը նախորդների համեմատ կլինի ավելի բարակ, իսկ սենսորային բաղադրիչը G/G տեխնոլոգիայի փոխարեն պատրաստված կլին GF2 տեխնոլոգիայով, ինչը հնարավորություն կտա էկրանի երկու շերտի փոխարեն սահմանափակվել մեկով: Փորձագետների կարծիքով` այս հանգամանքը դրականորեն կանդրադառնա էկրանի բարակության վրա: Ավելին, հնարավոր է, որ էկրանի արտադրության մեջ կիրառվի նոր լուսադիոդային լուսավորման համակարգ: Արդյունքում նոր պլանշետը կլինի 25-33%-ով ավելի թեթև, քան իր նախորդ մոդելները: Նշենք, որ iPad 5-ի համար էկրանի արտադրությամբ կզբաղվեն հարավկորեական LG Display, Samsung Display և ճապոնական Sharp ընկերությունները: