Աշխարհի ամենաթանկ ՏՏ բրենդները. MBO

Բրիտանական Millward Brown Optimor (MBO) հետազոտական ընկերությունը, որը WPP հեռահաղորդակցային խմբի մաս է կազմում, ներկայացրել է 2013թ. ՏՏ ոլորտի ամենաթանկ բրենդների վարկանիշը, որը գլխավորել է ամերիկյան Apple տեխնոլոգիական ընկերությունը: Մեկ տարում բրենդն արժևորվել է 1%-ով` կազմելով $185 մլրդ: Երկրորդ և երրորդ հորիզոնականներում են ամերիկյան Google և IBM բրենդերը: Google բրենդն այս տարի թանկացել է 5%-ով` կազմելով $113,6 մլրդ, իսկ IBM բրենդն էժանացել է 3%-ով` կազմելով $112 մլրդ: Վարկանիշի լավագույն տասնյակում է նաև ամերիկյան Microsoft ընկերությունը, որի բրենդը վերջին մեկ տարում արժեզրկվել է 9%-ով` կազմելով $69,8 մլրդ: Բջջային սարքավորումների շուկայում Apple-ի գլխավոր մրցակիցը, ըստ MBO-ի, հարավկորեական Samsung Electronics ընկերությունն է: Վերջինիս բրենդը նույն ժամանակահատվածում թանկացել է 51%-ով` կազմելով $21,4 մլրդ և գրավել է MBO վարկանիշի 30-րդ հորիզոնականը: Էլեկտրոնային մանրածախ առևտրի ոլորտում ամենաթանկ բրենդը hամաշխարհային խոշորագույն Amazon.com Inc. օնլայն ռիթեյլերն է, որը գնահատվել է $45,7 մլրդ` մեկ տարում բրենդն արժևորելով 34%-ով: Համաշխարհային խոշորագույն առցանց աճուրդի` eBay-ի բրենդն արժևորվել է 40%-ով` կազմելով $17,7 մլրդ: Վարկանիշի 31-րդ հորիզոնականում է Facebook սոցցանցը, որի բրենդը գնահատվում է $21,3 մլրդ, ինչը նշանակում է, որ նախորդ տարվա համեմատ այն արժեզրկվել է 36%-ով: Ամերիկյան Yahoo! տեխնոլոգիական ընկերությանը բաժին է ընկել 92-րդ հորիզոնականը` $9,8 մլրդ արժողությամբ բրենդով:

Apple	185,071	1%
Google	112,536	-3%
IBM	112,536	-3%
Microsoft	69,814	9%
SAP	34,365	34%
Tencent	27,273	52%
Samsung	21,404	51%
Facebook	21,261	36%
Baidu	20,443	-16%
Oracle	20,039	11%
Accenture	16,503	2%
HP	16,362	29%
Intel	13,757	-12%
Siemens	12,331	16%
Cisco	11,816	-11%
Yahoo!	9,826	-
Sony	7,786	-9%
Dell	4,939	-25%
Philips	4,739	-
Canon	4,539	33%