LG-ն առաջիկա օրերին կներկայացնի իր ճկվող էկրանները

Էլեկտրատեխնիկա արտադրող հարավկորեական LG ընկերությունը Կանադայի Վանկուվեր քաղաքում մայիսի 19-24-ը ընթացող Society for Information Display (SID 2013) համաժողովի շրջանակում պատրաստվում է ներկայացնել 1 մմ հաստությամբ նոր` 5-դյույմանոց ճկվող HD էկրանը, հաղորդում է Cnet-ը: LG-ի ներկայացուցիչները հայտարարել են, որ ընկերությունը մտադիր է ակտիվորեն զարգացնել այս ուղղությունը` առաջարկելով ապագայի սմարթֆոններում այս էկրաններն օգտագործել: Ակնկալվում է, որ այդպիսի էկրաններով սարքավորումները չեն ունենա էկրանների շրջանակներ և հագեցած կլինեն դեպի տարբեր կողմեր ճկվելու հնարավորությամբ: Նոր էկրաններն ունեն ցածր էներգաօգտագործում և գործնականում չեն տաքանում: Ճկվող էկրանների մեծածախ արտադրությունը նախատեսված է սկսել 2013թ. վերջին եռամսյակում: Էկրանների գնի մասին LG-ն դեռ տեղեկություններ չի հաղորդում: