«Անօդաչու թռչող սարքեր» մրցույթի եզրափակիչ փուլը` մայիսի 25-ին
Civilnet
Արզնի քաղաքի ուսումնական օդանավակայանում մայիսի 25-ին կկայանա «Անօդաչու թռչող սարքեր» մրցույթի եզրափակիչ փուլը, ասված է Ինֆորմացիոն տեխնոլոգիաների ձեռնարկությունների միության տարածած հաղորդագրությունում:
Մրցույթին մասնակցում է 5 թիմ: Մասնակիցները նախագծել ու պատրաստել են թռչող այնպիսի սարքեր (քուադրոքոփթեր, օդանավ), որոնք թռիչքի ընթացքում ուսումնասիրում են տարածքը, հասկանում տեղորոշման համար նախատեսված նշանները, առցանց ուղարկում են պատկերները, գտնում հատուկ նշանատեղը, նետում մինչև 300 գ բեռ և վերադառնում են մեկնարկային կետ: Ռոբոտի թռիչքը և վայրէջքը կարող է կատարվել թե՛ ինքնակառավարմամբ, թե՛ հեռակառավարմամբ:
Մրցույթի ընթացքում այցելուներն ականատես կլինեն նաև թռչող սարքերի օդային մարտի, որը կներկայացվի Ավիամոդելային սպորտի ազգային ասոցիացիայի կողմից:
Թեմա
Պատմություններ
