Civilnet
Ռուսական Яндекс ինտերնետային ընկերությունը հայտարարել է Android օպերացիոն համակարգի համար Яндекс.Музыка երաժշտական ծառայության բջջային ծրագրի թողարկման մասին, հաղորդում է Cnet-ը:
Ծրագիրը հնարավորություն է տալիս օգտվել 8,5 մլն կատարումներից, ինչպես նաև ձայնային այն ֆայլերից, որոնք օգտատերն ինքն է տեղադրել գաջեթի հիշողության մեջ: Բջջային ծրագիրն աշխատում է նաև օֆլայն ռեժիմում, ներառում է որոնման ինտելեկտուալ միջոցներ, երաժշտության ճանաչման գործառույթ:
Բջջային ծրագրի հնարավորությունների անսահմանափակ օգտագործման համար հարկավոր է բաժանորդագրվել: Բջջային ծրագրի միջոցով բաժանորդագրությունն արժե ամսական մոտ $6, իսկ վեբ տարբերակի դեպքում` մոտ $4: Նշենք, որ Яндекс.Музыка-ից օգտվելու համար բաժանորդագրությունը պարտադիր չէ:
Яндекс.Музыка-ն նախատեսված է Android 2.3 և ավելի բարձր տարբերակների համար: Այն հնարավոր է բեռնել Google Play օնլայն խանութից:
Պատմություններ
