Kindle Fire HD-ն հունիսի 13-ից հասանելի կլինի 170 երկրում

Համաշխարհային խոշորագույն Amazon.com Inc. օնլայն ռիթեյլերը հայտարարել է, որ իր Kindle Fire HD 7 և 8,9-դյումանոց էկրաններով պլանշետները նախնական պատվերների համար արդեն հասանելի են շուրջ 170 երկրում: Ինչպես հաղորդում է Mashable-ը, մատակարարումները կսկսվեն հունիսի 13-ից: Եթե նախկինում դրանք պաշտոնապես առաքվում էին միայն ԱՄՆ, Ճապոնիա և եվրոպական մի քանի երկրներ, ապա ներկայում սարքավորումները հնարավոր կլինի գնել գրեթե բոլոր երկրներում: Հունիսի 13-ին պլանշետը կհայտնվի Իռլանդիայում, Ավստրիայում, Լյուքսեմբուրգում և Մոնակոյում: Kindle Fire HD-ի նախնական պատվերների հասանելիությունը կարելի է ստուգել Amazon-ի պաշտոնական կայքում: Հիշեցնենք, որ վերջերս ընկերությունը զգալիորեն ընդլայնել է Amazon Appstore օնլայն խանութների ցանցը: