Մինչև 2015թ. պլանշետներն առաջ կանցնեն անհատական համակարգիչներից. IDC

Մինչև 2015թ. անհատական համակարգիչների համաշխարհային մատակարարումները կզիջեն պլանշետների համապատասխան ցուցանիշը, հաղորդում է Bloomberg-ը` վկայակոչելով International Data Company (IDC) վերլուծական ընկերության կանխատեսումները: IDC-ի տվյալների համաձայն` մինչև 2015թ. համաշխարհային շուկա մատակարարված պլանշետների թիվը կաճի 45%-ով` կազմելով 332,4 մլն միավոր, իսկ անհատական համակարգիչների մատակարարումները կնվազեն 7,8%-ով: Համաձայն ընկերության տվյալների` օգտագործողների մեծ մասը նախընտրում  է ձեռք բերել ամերիկյան Apple ընկերության iPad mini, Amazon ընկերության Kindle Fire HD և հարավկորեական Samsung ընկերության Galaxy պլանշետները: IDC-ի փորձագետները նշում են, որ հետազոտությունը կազմվել է` հաշվի առնելով նաև Windows 8 օպերացիոն համակարգը, որը ստեղծված է ինչպես անհատական համակարգիչներում, այնպես էլ պլանշետներում օգտագործելու համար: