Twitter-ը թողարկել է Vine-ի Android տարբերակը

Twitter միկրոբլոգների ցանցը ներկայացրել է Vine բջջային ծրագրի Android տարբերակը, որը նախատեսված է կարճ տեսանյութերի ստեղծման և հրապարակման համար, հաղորդում է TechCrunch-ը: Twitter-ը iPhone և iPod գաջեթների համար նախատեսված Vine բջջային ծրագիրը ներկայացրել էր 2013թ. հունվարի 24-ին, որի օգնությամբ հնարավոր է ստեղծել մինչև 6 վայրկյան տևողությամբ ձայնային տեսանյութեր: Բջջային ծրագրից օգտվելու համար հարկավոր է Vine-ում ստեղծել անձնական օգտատիրական էջ կամ օգտագործել Twitter-ի անձնական էջը: Արդյունքում ստացված տեսանյութը հնարավոր է տեղադրել սեփական Twitter բլոգում կամ Facebook-ի էջում: Android համակարգի Vine-ի ծրագիրը նախատեսված է Android 4.0 և ավելի բարձր տարբերակների համար: