Samsung-ը ներկայացրել է Galaxy Tab 3-ի երկու մոդել

Էլեկտրատեխնիկա արտադրող հարավկորեական Samsung ընկերությունը թողարկել է 8 և 10,1-դյույմանոց Galaxy Tab 3 պլանշետները, որոնց մեծածախ վաճառքները կմեկնարկեն 2013թ. հունիսին, հաղորդում է Verge-ը: 8-դյույմանոց Galaxy Tab 3-ն ունի 1,5 ԳՀց հաճախականությամբ երկմիջուկ պրոցեսոր, 1,5 Գբ օպերացիոն և 16/32 Գբ ներկառուցվող հիշողություններ, մինչև 64 Գբ տարողունակությամբ microSD քարտարան, 5 Մգպ տեսախցիկ և աշխատում է TouchWiz ինտերֆեյս ունեցող Android 4.2 Jelly Bean օպերացիոն համակարգով: 10,1-դյույմանոց տարբերակն ունի նմանատիպ բնութագրիչներ` բացառությամբ 3 Մգպ տեսախցիկի: Բացի այդ` այս մոդելի պրոցեսորն ունի 1,6 ԳՀց հաճախականություն և 1 Գբ օպերացիոն հիշողություն: