Toshiba-ն ներկայացրել է ուլտրաբուք-տրանֆորմերը

2013թ. հունիսի վերջին էլեկտրատեխնիկա արտադրող ճապոնական Toshiba ընկերությունը կսկսի 11,6-դյույմանոց սենսորային էկրանով dynabook V713 ուլտրաբուքի վաճառքները, հաղորդում է Cnet-ը: Անջատելով սարքավորման էկրանը ստեղնաշարից` սարքավորումը հնարավոր է օգտագործել որպես պլանշետ, որի հետ աշխատելիս կարելի է օգտվել նաև էկրանի համար նախատեսված հատուկ գրիչից: Ուլտրաբուքն աշխատում է 1,5-2,0 ԳՀց հաճախականությամբ երկմիջուկ Intel Core i5-3339Y պրոցեսորով, ունի 4 Գբ օպերացիոն հիշողություն, 128 Գբ կոշտ սկավառակ, Wi-Fi, Bluetooth 4.0, երկու տեսախցիկ, HDMI և USB 3.0 մուտքեր և կշռում է 870գ, իսկ ստեղնաշարի հետ միասին` 1,47 կգ: V713-ը կաշխատի Windows 8 օպերացիոն համակարգով և կվաճառվի €1,3 հազ-ով: