Intel-ը ներդրումներ է կատարում «ժեստերի և ձայնի» մեջ

Միկրոպրոցեսորներ արտադրող ամերիկյան Intel ընկերությունը ստեղծում է $100 մլն կապիտալ ունեցող հատուկ հիմնադրամ, որը ներդրումներ է կատարելու ժեստերի և ձայնային հրամաններ ճանաչող տարբեր նախագծերում, հաղորդում է TechCrunch-ը: Վենչուրային ֆոնդը միջոցներ կտրամադրի ծրագրային ապահովման մասնագետների խմբերին, որոնք կզբաղվեն պատկերների, ձայնի կամ ժեստերի միջոցով կառավարման, էմոցիոնալ միմիկայի ճանաչման կամ այլ բիոմետրիկ պարամետրերի հետ աշխատող ծրագրերի մշակմամբ: Intel-ը սկսել է համանման բջջային ծրագրերի համար նախատեսված հատուկ միջավայր ստեղծել (Perceptual Computing SDK) և հայտարարել է մտահղացումների մրցույթ` $1 մլն մրցանակային ֆոնդով: Վենչուրային նոր ֆոնդը կհանդիսանա ընկերության Intel Capital ներդրումային ստորաբաժանման մի մասը: Վերջինս հիմնադրման պահից (1991թ.) ի վեր ներդրել է ավելի քան $10,8 մլրդ` աշխարհի 54 երկրի 1284 ընկերություններում: