Sony-ն ներկայացրել է Xperia M սմարթֆոնը

Էլեկտրատեխնիկա արտադրող ճապոնական Sony Mobile Communications ընկերությունը պաշտոնապես ներկայացրել է Xperia M սմարթֆոնը, որն աշխատում է Android 4.1 Jelly Bean օպերացիոն համակարգով, հաղորդում է Mashable-ը: Գաջեթն ունի դասական կորպուս, FWVGA ձևաչափի 4-դյույմանոց էկրան, 2-ական Krait մեկմիջուկանոց Qualcomm Snapdragon S4 Plus (MSM8227) պրոցեսոր, Adreno 305 տեսաքարտ, 1 Գբ օպերացիոն և 4 Գբ ներկառուցվող հիշողություն, Exmor RS սենսորով 5 Մգպ առաջնային և 0,3 Մգպ երկրորդային տեսախցիկներ, Wi-Fi և Bluetooth 4.0, մինչև 64 Գբ տարողունակությամբ microSD քարտարան: Xperia M-ն աշխատում է HSPA+ բջջային ցանցերի հետ (LTE-ի ցանցերի հետ աշխատանքը նախատեսված չէ) և կներկայացվի 1 և 2 sim քարտերով տարբերակներով: Գունային առաջարկները կլինեն` սպիտակ, սև, դեղին և ալ կարմիր: Սմարթֆոնի գնի մասին տեղեկություններ չեն հաղորդվում: