Google-ը մտադիր է թողարկել կայքեր նախագծող ծառայություն

Ամերիկյան Google տեխնոլոգիական ընկերությունը մտադիր է թողարկել ծառայություն, որը մասնագետներին հնարավորություն կտա անվճար տարբերակով ստեղծել ինչպես ժամանակակից վեբ կայքեր և բջջային ծրագրեր, այնպես էլ գովազդային հայտարարություններ, հաղորդում է TechCrunch-ը: Նոր ծառայությունը կթողարկվի առաջիկա ամիսներին: Ընկերությունը ներկայում ունի վիրտուալ խմբագրիչ` Google Sites ծառայությունը: Այն շատ պարզ է, որի միջոցով սակայն վեբ էջեր կարելի է ստեղծել միայն պատրաստի շաբլոնների հիման վրա: Այն երկար ժամանակ է` ինչ չի թարմացվել: TechCrunch-ի հաղորդմամբ` Google-ը հաստատել է փաստը, որ նոր ծառայությունը կլինի ինքնուրույն արտադրանք` նախատեսված կրեատիվ գործակալությունների և դիզայներների համար: Նշվում է, որ Web Designerն ինտեգրվում է գովազդային այնպիսի հարթակներին, ինչպիսիք են ամերիկյան DoubleClick Studio-ն ու AdMob-ին: Web Designer-ի թողարկման հստակ ժամկետների և այլ բնութագրիչների մասին տեղեկություններ դեռ չեն հաղորդվում: