Sony-ն համաձայնել է iRadio-ի գործարկմանը

Էլեկտրատեխնիկա արտադրող ճապոնական Sony ընկերության Sony/ATV ստորաբաժանումը հաստատել է ամերիկյան Apple տեխնոլոգիական ընկերության` վիրտուալ iRadio ռադիոյի ստեղծելու նախագիծը, հաղորդում է Mashable-ը: Անցած շաբաթ Apple-ը արտոնագրային համաձայնագիր էր ստորագրել աշխարհի ամենախոշոր Universal Music և Warner Music Group երաժշտական լեյբլի հետ: Նոր երաժշտական արտադրանքը, ըստ ամենայնի, կդառնա գործող iTunes երաժշտական ծառայության բաղադրիչը: Ենթադրվում է, որ iRadio-ն կունենա այնպիսի գործառույթներ, որոնք բացակայում են ԱՄՆ-ում գործող Pandora ինտերնետային ռադիոյի կազմում: Նշենք, որ iTunes-ի ակտիվ օգտատերերի լսարանը կազմում է 500 մլն մարդ, այն դեպքում, երբ Pandora-ի համապատասխան ցուցանիշը մոտ 70 մլն է: