Civilnet
Ֆրանսիական Airbus ավիաընկերությունը ներկայացրել է Bag2Go «խելացի» ճամպրուկի նախատիպը, որը զբոսաշրջիկներին հնարավորություն է տալիս մշտապես տեղյակ լինել, թե որտեղ է իրենց ուղեբեռը, հաղորդում է TechCrunch-ը:
Այս ճամպրուկը սովորականներից տարբերվում է RFID չիպով, որը հեշտացնում է օդանավակայանում ուղեբեռի գրանցման և ստացման գործընթացները: Բացի այդ` Bag2Go-ը պարունակում է ներկառուցված թվային կշեռք, որը ցույց է տալիս` արդյոք տվյալ բեռը գերազանցում է թույլատրելի կշռի սահմանը կամ արդյոք տեղափոխման ընթացքում բեռը բացվել է, թե ոչ: Նշենք նաև, որ ուղեբեռի գտնվելու վայրը որոշվում է GPS սարքի և 2G ցանցի ներսում աշխատող մոդուլի օգնությամբ:
Ուղեբեռի վերաբերյալ այս բոլորը տեղեկություններն ավտոմատ ռեժիմում փոխանցվում են iPhone սմարթֆոնին համար նախատեսված ծրագրին, որը հնարավորություն է տալիս QR կոդի միջոցով ճանաչել ուղեբեռի սեփականատիրոջը: Ավելին` այն հնարավորություն է տալիս Find My Bag գործառույթի օգնությամբ գտնել կորցրած բեռը կամ տեղեկություններ ստանալ վերջինիս գտնվելու վայրի մասին, ինչպես նաև կարդալ, թե ինչպիսի բեռներ չի թույլատրվում տեղափոխել:
Փորձագետների կարծիքով` Bag2Go-ն 20%-ով մատչելի կլինի համանման սարքավորումների շրջանում: Ի դեպ` զբոսաշրջիկները Bag2Go-ն ավիաընկերությունից վարձակալելու հնարավորություն ունեն:
Պատմություններ
