PlayStation 4-ը $100-ով էժան կլինի Xbox One-ից

Էլեկտրատեխնիկա արտադրող ճապոնական Sony ընկերությունը Լոս Անջելեսում ընթացող E3 (E³ Media and Business Summit) համաժողովի շրջանակում ներկայացրել է PlayStation 4 խաղային սարքավորումը: Ինչպես հաղորդում է BusinessInsider-ը, սարքավորման արժեքն ԱՄՆ-ում հայտարարվել է $399: PlayStation 4-ը $100-ով մատչելի է ամերիկյան Microsoft ընկերության թողարկած Microsoft Xbox One խաղային սարքավորումից: Եվրոպական երկրներում PlayStation 4-ը կարժենա €399: Սարքավորումը նշված երկրների խանութներ կառաքվի ամանորյա տոներին զուգահեռ, սայկայն ստույգ ժամանակահատված հայտարարված չէ: Նորույթն ունի ութմիջուկանոց AMD չիպ, 8 Գբ օպերացիոն հ GDDR5 հիշողություն, Blu-ray և DCD, HDMI, Bluetoth 2.1, AMD Redeon տեսաքարտ, ինչպես նաև ինտերնետից խաղեր բեռնելու հնարավորություն: