Facebook-ն ԱՄՆ-ի սահմաններից դուրս տվյալների առաջին կենտրոնն է բացել

Facebook սոցցանցը հայտարարել է ԱՄՆ-ի սահմաններից դուրս տվյալների առաջին կենտրոնի աշխատանքների մեկնարկի մասին, հաղորդում է Mashable-ը: Տվյալների նոր կենտրոնը տեղակայված է Շվեդիայի Լուլեյա քաղաքում և զբաղեցնում է 28 հազ. քմ տարածք: Facebook-ի օպերացիոն գծով տնօրեն Թոմ Ֆուրլոնգը հայտարարել է, որ տվյալների նոր կենտրոնը հինականում նախատեսված է Facebook-ի` եվրոպական երկրների օգտատերերի սպասարկման համար: Ընկերության ներկայացուցիչները նշում են, որ շվեդական կենտրոնի բոլոր տվյալները պատճենահանվում են ԱՄՆ տարածքում տեղակայված Facebook-ի սերվերներում: Մոտ ապագայում ակնկալվում է տվյալների նոր կենտրոնների հիմնում այնպիսի երկրներում, ինչպիսիք են Իսլանդիան, Ֆինլանդիան, Շվեյցարիան և Կանադան: