IBM-ն աշխատանքից հեռացրել է 1,3 հազ. աշխատակցի

Վերջին երկու օրերին ամերիկյան International Business Machines Corp. (IBM) տեխնոլոգիական ընկերությունն ԱՄՆ-ում աշխատանքից ազատել է շուրջ 1,3 հազ. աշխատակցի, հաղորդում է Cnet-ը: Զանգվածային կրճատման գործընթացն իրականացվել է ընկերության բիզնեսի օպտիմալացման շրջանակում: 2013թ. 1-ին եռամսյակում IBM-ի զուտ շահույթը անցած եռամսյակի համեմատ նվազել է 1%-ով` $3,06 մլրդ-ից մինչև $3,03 մլրդ: Օպերացիոն եկամուտների բարձրացման նպատակով ընկերության մենեջմենտը ներկայացրել է ընթացիկ ծախսերը $1 մլրդ-ով կրճատելու ծրագիրը, որը պետք է կյանքի կոչվեր աշխատակիցների ազատումների և համեմատաբար քիչ շահույթ ունեցող ուղղությունների փակման հաշվին: