Facebook-ը ցանկանում է բջջային ամսագիր դառնալ

Facebook սոցցանցն արդեն երկար ժամանակ է` աշխատում է նոր արտադրանքի ստեղծման ուղղությամբ, որն ունի ներքին` Reader անվանումը, գրում է ամերիկյան Wall Street Journal-ը: Reader-ի հիմնական գործառույթը բջջային սարքավորումների համար սոցցանցի առավել հետաքրքիր բովանդակության ցուցադրությունն է: Հատկանշական է, որ համանման արտադրանքներ արդեն կան շուկայում, որոնցից առավել ճանաչվածներից է Flipboard բջջային ծրագիրը: Վերջերս համացանցում տեղեկություններ էին տարածվել այն մասին, թե Facebook-ը պատրաստվում է ներկայացնել Google Reader-ի սեփական տարբերակը: Սակայն դրա փոխարեն սոցցանցը ներկայացրեց լուսանկարների փոխանակման Instagram ծրագրի` տեսանյութերի նկարահանման և փոխանակման նոր գործառույթը: Facebook-ի հիմնական նպատակը Reader-ի միջոցով սոցցանցում օգտատերերի անցկացման ժամանակահատվածն ավելացնելն է և այդ ընթացքում նրանց ավելի մեծ թվով գովազդներ ներկայացնելը: