HP-ն մատչելի համակարգիչ կթողարկի

Ամերիկյան Hewlett-Packard (HP) տեխնոլոգիական ընկերությունը ներկայացրել է Slate 21 AIO պլանշետ-համակարգիչը, հաղորդում է TechCrunch-ը: Նորույթն ունի 21,5-դյույմանոց սենսորային Full HD IPS էկրան, USB մոդուլ, Nvidia Tegra 4 չիպով քառամիջուկ ARM պրոցեսոր, բջջային ծրագրերի Google Play օնլայն խանութի մատչման հնարավորություն և մինչև 5 օգտատիրական էջերով աշխատելու հնարավորություն: Սարքավորումն աշխատում է Android 4.2 օպերացիոն համակարգով: Նշվում է, որ Slate 21 AIO-ը ընտանեկան մատչելի համակարգիչ է` խաղեր խաղալու, տեսանյութեր դիտելու և աշխատելու համար: Համակարգչի վաճառքներն ԱՄՆ-ում կմեկնարկեն սեպտեմբերին: Սարքավորումը կաժենա $400: