Ստեղծվել է հայացքի միջոցով կառավարվող առաջին ուլտրաբուքը

Շվեդական Tobii տեխնոլոգիական ընկերությունն արդեն մի քանի տարի է` զբաղվում է հայացքի միջոցով նոութբուքների կառավարման տեխնոլոգիայի մշակմամբ, հաղորդում է Verge-ը: Նմանատիպ առաջին սարքավորումը Tobii-ին ներկայացրել է 2011թ. CeBIT ցուցադրության շրջանակում: Նոութբուքի նախատիպը, որը թողարկել է չինական Lenovo ընկերությունը, հնարավորություն էր տալիս հայացքի միջոցով կառավարել կուրսորը, մեծացնել լուսանկարները և այլն: Ի տարբերություն Tobii-ի արտադրանքի` այս գաջեթը ներկառուցված տեսախցիկների հաշվին ուներ ավելի մեծ չափեր և թանկարժեք բաղադրիչներ: Tobii-ի ներկայացուցիչները հայտարարել են, որ իրենց հաջողվել է փոքրացնել ապարատային միջուկը և զինել այն Synaptics ForcePad թաչփադով: Նոր տեխնոլոգիայի շնորհիվ աչքերի միջոցով հնարավոր է թերթել փաստաթղթերը, օգտվել մկնիկից, ստեղնաշարից և սենսորային վահանակից: Առաջիկա ամիսներին Tobii-ն ԱՄՆ-ում, Եվրոպայում և ասիական երկրներում կցուցադրի վերոնշյալ տեխնոլոգիայով աշխատող ուլտրաբուքի նախատիպը: