«Պլանշետային» Office-ի թողարկումը հետաձգվել է մինչև 2014թ.

Ամերիկյան Microsoft տեխնոլոգիական ընկերությունը Office փաթեթի թողարկումը հետաձգել է մինչև 2014թ., հաղորդում է TechCrunch-ը: Gemini անվամբ թարմացված տարբերակը, որի կազմում են PowerPoint, Word, Excel և OneNote ծրագրերը, Windows Store օնլայն խանութում կհայտնվի հաջորդ տարի: Ավելի վաղ ակնկալվում էր, որ «պլանշետային» Office-ը կներկայացվի 2013թ.` նոր Windows 8.1 (Blue) օպերացիոն համակարգի թողարկմանը զուգահեռ: Office փաթեթի iOS և Android համակարգերի համար բջջային ծրագրի թողարկման ժամկետները նույնպես անհայտ են: