Apple-ը հրաժարվում է Samsung-ի պրոցեսորներից

Ամերիկյան Apple տեխնոլոգիական ընկերությունը էլեկտրատեխնիկա արտադրող թայվանական Taiwan Semiconductor (TSMC) ընկերության հետ համաձայնագիր է ստորագրել iPhone, iPad և մյուս iOS սարքավորումների համար չիպերի մատակարարման վերաբերյալ, հաղորդում է Mashable-ը: Apple-ը, որը երկար տարիներ համագործակցել է հարավկորեական Samsung-ի հետ, այդպիսով փոխել իր գործընկերոջը` սմարթֆոնների շուկայում առաջացած մրցակցային և դատական գործընթացների հետևանքով: TSMC-ն թողարկում է 20-28 նանոմետր տեխպրոցեսով համակարգեր, որոնք առավել էներգաարդյունավետ են, քան Samsung-ի թողարկած 32 նանոմետր A5 և A6 չիպերը: Վերջիններս կիրառվում են ժամանակակից I սարքավորումներում: Մինչ 2014թ. Samsung-ը սակայն կշարունակի Apple-ին չիպեր մատակարարել` մինչ TSMC պրոցեսորները կփոխարինեն վերջիններիս: 1987թ. հիմնված TSMC-ն համարվում է կիսահաղորդիչների աշխարհի առաջատար արտադրողներից մեկը, որի հաճախորդների ցուցակում են AMD, NVIDIA, Qualcomm, Broadcom և Intel առաջատար ընկերությունները: