Ամառային ծրագիր` Windows Phone ծրագրավորողների համար

Մոբայլ լուծումների mLab ECA տարածաշրջանային լաբորատորիան և «Մայքրոսոֆթ» ինովացիոն կենտրոնը հայտարարում են համատեղ ամառային ծրագիր, որի նպատակն է նախապատրաստել հայկական թիմերին/սթարթափներին նորարար Windows phone հավելվածներ մշակելու և Ֆինլանդիայի Aalto համալսարանի հանրահայտ AppCampus մոբայլ հավելվածների աքսելերատորի գրանտային ծրագրին մասնակցելու համար, ասված է «Մայքրոսոֆթ» ինովացիոն կենտրոնի տարածած հաղորդագրությունում: Ամառային ծրագիրը ներառում է մի շարք զուգահեռ միջոցառումներ, այդ թվում` Windows phone ծրագրավորման դասընթաց, քննարկումներ գաղափարների շուրջ, բիզնես և տեխնոլոգիական խորհրդատվություն/ուղորդում, ինչպես նաև աջակցություն AppCampus-ին դիմելու համար անհրաժեշտ փաստաթղթերի փաթեթի պատրաստման գործում: Լավագույն Windows phone հավելվածների հեղինակները, կախված հավելվածի բարդությունից, 20 հազ-ից մինչև 70 հազ. եվրո ֆինանսավորման հնարավորություն կստանան: Ծրագիրը կմեկնարկի 2013թ. օգոստոսի սկզբին և կտևի 2-3 ամիս: Մասնակցել կարող են C# կամ Silverlight ծրագրերի իմացությամբ ծրագրավորողները: