1 մլրդ Android սարքավորման վտանգ է սպառնում

Բջջային սարքավորումների անվտանգության հարցերով զբաղվող ամերիկյան Bluebox ընկերությունը խոցելիություն է հայտնաբերել, որը լիակատար մատչում է ապահովում վերջին 4 տարիներին թողարկված` Android օպերացիոն համակարգով աշխատող ցանկացած սմարթֆոնի նկատմամբ, հաղորդում է Mashable-ը: Վտանգ է սպառնում գրեթե 1 մլրդ Android սարքավորման: Կրիպտոգրաֆիական գրանցման (ուսումնասիրում է ինֆորմացիայի գաղտնագրման եղանակները) մեխանիզմի սխալը հնարավորություն է տալիս փոխել բջջային ծրագրի կոդը` առանց վնասելու վերջինիս ամբողջականությունը: Այս գործողությունը հնարավորություն է տալիս տվյալ սարքավորման ներսում տեղադրել ցանկացած կոդ, մատչում ստանալ բջջային ծրագրի տվյալներին, օրինակ` ընթերցել բոլոր հաղորդագրություններն ու դիտել բրաուզերի պատմությունը, տեսնել GPS սարքավորման տեղեկատվությունը, ինչպես նաև աննկատ միացնել բարձրախոսն ու տեսախցիկը: Ամերիկյան Google տեխնոլոգիական ընկերությունն այս առթիվ հրաժարվել է մեկնաբանություն կատարել: Փորձագետների կարծիքով` Google-ի ինժեներները տեղեկացված են վերոնշյալ խնդրից և դեռ 2013թ. փետրվարից աշխատում են դրա լուծման ուղղությամբ: Փորձագետները նշում են, որ այս խնդիրը հնարավոր է` ստիպի Android օգտագործողներին հրաժարվել այա օպերացիոն համակարգից: