Անվճար օֆիսային փաթեթ` Apple-ից

Ամերիկյան Apple տեխնոլոգիական ընկերությունը մտադիր է սեփական` iWork օֆիսային փաթեթի վեբ տարբերակը դարձնել անվճար, հաղորդում է Verge-ը: Այս քայլով ընկերությունը ցանկանում է պատասխանել ամերիկյան Microsoft ընկերությանը, որը վաճառում է սեփական Surface պլանշետները` նրանցում նախապես տեղադրված անվճար Office օֆիսային փաթեթի և օնլայն Google Docs ծառայությունների հետ միասին: iWork-ն իրենից ներկայացնում է ծրագրային հավաքածու, որի կազմում են Pages տեքստային խմբագրի, ներկայացումների պատրաստման համար նախատեսված Keynote և էլեկտրոնային աղյուսակների հետ աշխատանքի համար նախատեսված Numbers ծրագրերը: Mac համակարգիչների համար iWork բջջային ծրագիրն արժե $20, իսկ I սարքավորումների համար` $10: iWork «ամպային» ծրագրի փակ փորձարկմանը կարող են մասնակցել միայն նրանք, ովքեր ունեն ծրագրային մշակման մասնագետի ակտիվ Apple ID: Օնլայն օֆիսային փաթեթը, ըստ ամենայնի, հասանելի կլինի 2013թ. սեպտեմբերին` iOS7 օպերացիոն համակարգին զուգահեռ: