Հոբելյանական անվճար ծրագրեր` AppStore-ում

Ամերիկյան Apple տեխնոլոգիական ընկերության AppStore բջջային ծրագրերի օնլայն խանութն իր հնգամյակի կապակցությամբ ներկայացրել է նախկինում վճարովի որոշ բջջային ծրագրերի անվճար բեռնման տարբերակը, հաղորդում է Mashable-ը: Փորձագետների համոզմամբ` AppStore-ն իր բացման պահից` 2008թ. հուլիսի 10-ից, մեծ ազդեցություն է գործել օգտատերերի և ծրագրային մշակման մասնագետների գործունեության վրա: Հինգ տարի անց խանութն աշխարհի 155 երկրում ներկայացնում է ավելի քան 900 հազ. բջջային ծրագիր` 23 տարբեր բաժիններով, որոնք նախատեսված են iPhone, iPad և iPod touch գաջեթների համար: Օգտատերերն իրականացրել են ավելի քան 50 մլրդ բեռնում, ինչը համարժեք է 1 վայրկյանում 800 բեռնված ծրագրի, իսկ ծրագրային մշակման մասնագետների եկամուտը գերազանցել է $10 մլրդ-ը: