Civilnet
Սիրիայի հյուսիսում քրդերի և Սիրիայի նախագահ Բաշար ալ Ասադին ընդդիմադիր «էլ Նուսրա» ծայրահեղական խմբավորման կռիվների ընթացքում քրդերը գերեվարել են խմբավորման առաջնորդներից Աբու Մուսաբին:
Քրդական Firat գործակալության հաղորդմամբ` կողմերը պայմանավորվել են փոխանակել գերիներին: Աբու Մուսաբին ազատ արձակելու փոխարեն «Էլ Նուսրան» ազատ է արձակել 400 քրդերի: Ըստ գործակալության` ազատ արձակվածները քաղաքացիական անձինք են, որոնց տարբեր ժամանակներում առևանգել է «էլ Նուսրան»:
Թուրքիային սահմանակից Թել Աբիադ սիրիական քաղաքում քրդերի և «Էլ Նուսրայի» միջև կռիվներում եղել են բազաթիվ զոհեր ու վիրավորներ: Ավելի վաղ քրդերին հաջողվել էր իրենց ենթակայության տակ վերցնել Ռաս ուլ Այնը:
Թեև քրդերը հայտարարել են, որ իրենց գործողություններն ուղղված չեն Թուրքիայի դեմ, սակայն պաշտոնական Անկարային անհանգստացնում է թուրք-սիրիական սահմանային շրջաններում քրդերի դիրքերի ամրապնդումը:
Քրդերի պնդմամբ` Թուրքիան աջակցում է Բաշար ալ Ասադի դեմ կռվող «Էլ Նուսրա» խմբավորմանը:
Պատմություններ
