Civilnet
Ռուսաստանի արտաքին գործերի նախարարությունը դատապարտել է Սիրիայի հյուսիսում իսլամական ծայրահեղականներից կողմից քուրդ խաղաղ բնակչության դեմ իրականացվող բռնությունները, հաղորդում է ռուսական «ՌԻԱ նովոստի» գործակալությունը: Ռուսաստանի ԱԳՆ-ի հայտարարությունը լայն արձագանք է գտել նաև Թուրքիայի քրդական լրատվամիջոցներում:
Ռուսաստանի ԱԳՆ-ի տարածած հայտարարությունում մասնավորապես նշված է, որ Սիրիայի Ռաս ուլ Այն և Թիլ Աբյադ բնակավայրերում ծայրահեղական խմբավորումները շարունակում են գերի պահել 200 խաղաղ քուրդ բնակիչների, այդ թվում` կանանց և երեխաների:
Թուրքիային սահմանակից Սիրայի հյուսիսարևելյան շրջաններում կռիվներ են ընթանում Սիրիայի քուրդ բնակչության և Սիրիայի նախագահ Բաշար Ասադին ընդդիմադիր «Էլ Նուսրա» ծայրահեղական խմբավորումների միջև: Քրդերը, որոնք ունեն իրենց սեփական ջոկատները, իրենց վերահսկողությունն են հաստատել Թուրքիայի անմիջական հարևանության գտնվող շրջաններում: Քրդերի պնդմամբ` Թուրքիան օժանդակություն է ցուցաբերում ծայրահեղական խմբավորումներին: Կռիվների ընթացքում կրակոցներ են հնչում թուրքական սահմանի ուղղությամբ, ինչին թուրքական զինուժն անմիջապես արձագանքում է:
Պատմություններ
