Civilnet
Սիրիայի Կամիշլի քաղաքում սպանվել է Սիրիայի քրդերի ղեկավարներից Իսա Հուսոն: Ըստ թուրքական Anadolu գործակալության` քուրդ գործիչը մահացել է մեքենայում տեղադրված ռումբի պայթյունից:
Իսա Հուսոն «Սիրիայի քրդերի բարձրագույն խորհրդի» անդամներից էր: Բացի այդ` նա մտերիմ հարաբերություններ է ունեցել «Քրդստանի աշխատավորական կուսակցության» (PKK) առաջնորդ Աբդուլլահ Օջալանի հետ:
Տեղեկություններ կան այն մասին, որ սպանությունը կարող էր իրականացնել «Էլ Նուսրա» արմատական իսլամիստական խմբավորումը, որը քրդերի պնդմամբ, Կամիշլիում մի շարք քուրդ գործիչների է ահաբեկել:
Վերջին շրջանում Սիրիայի հյուսիսարելյան շրջաններում թեժ կռիվներ են ընթանում քրդերի և «Էլ Նուսրա» ճակատի միջև:
Իսա Հուսոյի սպանությունը դատապարտել են Սիրիայի քրդական կազմակերպությունները` այն համարելով հարձակում ամբողջ քուրդ ժողովրդի դեմ: Թուրքիայի քրդական «Խաղաղություն և ժողովրդավարություն» կուսակցությունը ևս դատապարտել է Իսա Հուսոյի սպանությունը:
Պատմություններ
