Օբաման արգելել է արգելել ԱՄՆ-ում հին iPhone-ների վաճառքը

ԱՄՆ նախագահ Բարաք Օբամայի վարչակազմը վետո է դրել երկրի տարածքում ամերիկյան Apple տեխնոլոգիական ընկերության iPhone սմարթֆոնների և iPad պլանշետների մի շարք հին մոդելների մատակարարումների և վաճառքի արգելքի վրա, հաղորդում է Reuters-ը: Apple-ը մեղադրվում էր էլեկտրատեխնիկա արտադրող հարավկորեական Samsung ընկերությանը պատկանող արտոնագրերի խախտման մեջ, որի արդյունքում արգելվել էր AT&T  բջջային օպերատորի հետ պայմանագրով ձեռք բերված iPhone 4, iPhone 3GS սմարթֆոնների և iPad 2 ու  iPad 3G  պլանշետների ներմուծումը ԱՄՆ: Samsung-ի օգտին կայացրած դատարանի որոշումն ընդունվել էր 7 706 384 համարով գրանցված արտոնագրի հիման վրա, որը վերաբերում է CDMA (Code Division Multiple Access- բազմակի մատչման կոդային բաժանում) կապի տեխնոլոգիային: ԱՄՆ միջազգային առևտրի հանձնաժողովի ղեկավար Մայքլ Ֆրոմանը գերատեսչության որոշումը հիմնավորել է նրանով, որ վաճառքի արգելքն ազդում էր ԱՄՆ տնտեսական մրցակցության կանոնների և ամերիկացի սպառողների վրա: Նա նաև նշել է, որ Samsung-ը հնարավորություն ունի շարունակելու վիճարկել իր արտոնագրային իրավունքը դատական ատյաններում: