LG-ն թողարկել է 3-քարտանի սմարթֆոն

Էլեկտրատեխնիկա արտադրող հարավկորեական LG Electronics ընկերությունը ներկայացրել է Android օպերացիոն համակարգով աշխատող առաջին սմարթֆոնը, որը կաշխատի 3 sim քարտով, հաղորդում է Mashable-ը: Թայվանական MediaTek ընկերության թողարկած Triple-SIM նոր չիպը LG Optimus L4 II սմարթֆոնին հնարավորություն է տալիս օգտվել 3 քարտերից միաժամանակ: LG Optimus L4 II-ն ունի 3,8-դյույմանոց HVGA էկրան, 1 ԳՀց հաճախականությամբ պրոցեսոր, 512 Մգբ օպերացիոն հիշողություն, 3 Մգպ հիմնական տեսախցիկ և աշխատում է Android 4.1 օպերացիոն համակարգով: Սմարթֆոնն առայժմ վաճառվում է միայն Բրազիլիայում` մոտ $200-ով: Հատկանշական է, որ չինական GooPhone ընկերությունը նույնպես պատրաստվում է թողարկել համանման սարքավորում: Ընկերության նոր` X1+ սմարթֆոնը կունենա 5-դյույմանոց FWVGA էկրան, երկմիջուկ MT6572 պրոցեսոր, 1 Գբ օպերացիոն և ներկառուցվող 4 Գբ հիշողություններ, 5 Մգպ հիմնական և 2 Մգպ երկրորդային տեսախցիկներ և կաշխատի Android 4.1 (Jelly Bean) օպերացիոն համակարգով: Սմարթֆոնի արժեքը կկազմի $150 և վաճառքի կհանվի առաջիկա օրերին: