Holho-ն սմարթֆոնը կվերածի հոլոգրամաների պրոյեկտորի
Civilnet
Կրեատիվ նախագծերի ֆինանսավորմամբ զբաղվող ամերիկյան Kickstarter ընկերությունը սկսել է նոր` հոլոգրամաների ստեղծման համար նախատեսված հասարակ և էժան գաջեթի արտադրության նպատակով միջոցների հավաքագրում, հաղորդում է Verge-ը:
Holho կոչվող գաջեթը միանում է սմարթֆոնին կամ պլանշետին, որից հետո ցուցադրում է մեծ ծավալով պատկերներ ու տեսանյութեր: Նշենք, որ գաջեթը կարողանում է ցուցադրել սմարթֆոնի կամ պլանշետի հիշողության մեջ գտնվող հատուկ մշակված լուսանկարներն ու տեսանյութերը:
Պլանշետների համար նախատեսված նոր գաջեթը կարժենա $47, իսկ սմարթֆոններինը` $33: Ծրագրային մշակման մասնագետները առաջարկում են նաև հատուկ բջջային ծրագիր, որը հնարավորություն կտա լուսանկարներն ու տեսանյութերը վերածել այն ֆորմատի, որով աշխատում է գաջեթը: Բջջային ծրագիրը կվաճառվի $20-ով:
Թեմա
Պատմություններ
