Apple iTV-ն կստեղծի հեռուստատեսության նոր էկոհամակարգ

Apple-ը որոշել է նորովի ձեռնամուխ լինել «հեռուստատեսության ապագայի» համար նախատեսված էկոհամակարգի ստեղծմանը, հաղորդում է Quartz-ը: Աղբյուրի տվյալների համաձայն՝ Թիմ Կուկի թիմը որոշել է, որ գոյություն ունեցող հեռուստաշուկայի մասնակիցների և ԱՄՆ խոշորագույն կաբելային պրովայդերների միջոցով ապագա հեռուստատեսային ծառայության բովանդակության ապահովումն անիմաստ է: Նոր համակարգի ստեղծման համար Apple-ը բանակցություններ է վարում Disney-ին պատկանող ESPN, Time Warner-ին պատկանող HBO, Viacom-ին պատկանող MTV, Nickelodeon, և Comedy Central ընկերությունների հետ: Խոսքը սեփական արտադրության հեռուստացույցի համար նախատեսված նոր Apple համակարգի ստեղծման մասին է, որում տարբեր ընկերությունների տեսաարտադրանքները ներկայացված կլինեն առանձին ծրագրերի տեսքով: