Civilnet
Facebook սոցցանցը 2013թ․ օգոստոսի 26-ին հայտարարել է «ընդհանուր ֆոտոալբոմ» նոր գործառույթի ներմուծման մասին, հաղորդում է Mashable-ը:
Մինչ այժմ սոցցանցի օգտատերը հնարավորություն ուներ ներբեռնել լուսանկարներն այն ալբոմի ներսում, որը ստեղծել էր ինքնուրույն: Այդտեղ նա հնարավորություն ուներ տեղադրել մինչև հազար լուսանկար:
Նոր գործառույթը ալբոմի հեղինակին հնարավորություն կտա որոշել 50 այլ օգտատերերի անունները, որոնք ևս հնարավորություն կունենան լուսանկարներ ավելացնել նշված տեղում: Այդ 50 օգտատերերից յուրաքանչյուրը կարող է ներբեռնել մինչև 200 լուսանկար տվյալ ալբոմում: Ալբոմի հեղինակը նաև հնարավորություն կունենա որոշել օգտատերերի մատչման պայմաններն ու հետագա գործողությունները:
2013թ․ օգոստոսի 26-ին նոր գործառույթը հասանելի է դարձել սահմանափակ թվով օգտատերերի համար: Շուտով այն հասանելի կլինի ամբողջ աշխարհում:Facebook-ը ներկայացրել է «ընդհանուր ֆոտոալբոմ» նոր գործառույթը
Թեմա
Պատմություններ
