Skype-ն ստեղծում է 3D ֆորմատով տեսազանգեր

Microsoft-ը Skype տեսազանգերի ծրագրի ներկայացուցիչների անունից հայտարարել է, որ ընկերությունն աշխատում է տեսազանգերի 3D ֆորմատի վրա, հաղորդում է BusinessInsider-ը: ԸՆկերության ներկայացուցիչները նշում են, որ տեխնիկական տեսանկյունից նրանք պատրաստ են 3D պատկերների փոխանցմանը: Խնդիրը կայանում է նրանում, որ ոչ բոլոր օգտատերերի համակարգիչներն այսօր ունեն վերոնշյալ գործառույթի հնարավորությունը: Սա նշանակում է, որ Skype-ի 3D տեսազանգերի ներդրման համար դեռ որոշ ժամանակ կանցնի: Մեսենջերի ներկայացուցիչների խոսքով՝ խնդրի հիմնական մեխը կայանում է 3D տեսախցիկների զանգվածային օգտագործման բացակայության մեջ: Նրանք նաև նշում են, որ ընկերությունն այժմ պատրաստվում է թողարկել Playstation 4-ի և մի շարք Sony հեռուստացույցների համար նախատեսված ծրագրի տարբերակը՝ 3D ֆորմատով օգտագործելու համար: