Թողարկվել է թարմացված VLC 2.1-ն iOS համակարգի համար

VLC նվագարկիչը երկար ժամանակ բացակայում էր AppStore օնլայն բջջային ծրագրերի խանութից, սակայն iOS-ի 2.0 տարբերակի վերադարձի ժամանակ պարզվել է, որ այն ստացել է մի շարք նոր գործառույթներ՝ մասնավորապես AirPlay գործառույթն ու Dropbox-ի ինտեգրացիան, հաղորդում է Cnet-ը: Օգտատերերի երկար սպասած նոր VLC 2.1 տարբերակը հնարավորություն է տալիս լսել աուդիոֆայլեր և UPnP ցանցային պրոտոկոլների հավաքածուի սարքավորումների և FTP սերվերների պարունակությունը: Բացի այդ ավելացվել է տեսանյութերի Deinterlacing գործառույթը (երկու կիսակադրերից մեկ կադրի ստեղծման պրոցես), ինչպես նաև «ոչ արևմտյան» լեզուներով սուբտիտրերի հետ աշխատելու հնարավորություն: