Google-ը գնել է ֆայլերի փոխանակման Bump ծառայությունը

Google-ը ձեռք է բերել Bump ծառայությունը, որը հնարավորություն է տալիս հարվածի միջոցով բջջային սարքավորումների և համակարգիչների միջև փոխանակել տվյալներ ու ֆայլեր, հաղորդում է Verge-ը: Bump-ի հիմնադիր և ղեկավար Դեվիդ Լիբն ընդգծել է, որ գործարքը չի ազդի ծառայության աշխատանքների վրա՝ այն կշարունակի պահպանել իր գոյությունը: Bump-ը բջջային ծրագիր է, որը հնարավորություն է տալիս արագ փոխանակել տվյալներ, լուսանկարներ և այլ ֆայլեր, որի համար անհրաժեշտ է բառացիորեն հարվածել մեկ սմարթֆոնը մյուսին: Ծառայությունը կարողանում է նաև իրականացնել տվյալների փոխանակություն սմարթֆոնի և համակարգչի միջև, որի համար հարկավոր է մուտք գործել bu.mp կայքը, ընտրել համակարգչում կամ բջջայինում տեղադրված տվյալ ֆայլը և հարվածել բջջայինը համակարգչի ստեղնաշարի «բացարկ» ստեղնին: Հիշեցնենք, որ Bump-ը թողարկվել է 2012թ. մայիսին: 2013թ. փետրվարին վերջինիս բեռնումների քանակը հասել էր 125 մլն-ի: