YouTube-ը կթույլատրի դիտել տեսանյութերն առանց ինտերնետի

2013թ․ նոյեմբերից YouTube-ից հնարավոր կլինի բեռնել տեսանյութեր հետագա դիտման համար՝ առանց ինտերնետի առկայության, հաղորդում է TechCrunch-ը: Ներկայում սմարթֆոնների և պլանշետների սեփականատերերը հնարավորություն ունեն Google տեսահոսթինգի տեսանյութերը դիտել միայն ինտերնետի առկայության դեպքում: Նոր գործառույթը հնարավորություն կտա YouTube-ի տեսաալիքների օգտատերերին մեծացնել իրենց լսարանը: Օգտատերերը կարող են բեռնել տեսանյութը Wi-Fi-ի միջոցով, այնուհետև դիտել այն գաջեթով օֆլայն ռեժիմում: Սակայն սիրելի ռոլիկների օֆլայն հավաքածու ստեղծել չի ստացվի․ տեսանյութերը կպահպանվեն կարճ ժամանակով։