Apple-ը հավանաբար 12-դյույմանոց iPad է պատրաստում

Ոչ պաշտոնական տվյալների համաձայն՝ Apple-ն աշխատում է նոր սերնդի iPad պլանշետի թողարկման ուղղությամբ, որը կունենա 12-դյույմանոց էկրան, հաղորդում է Apple Insider-ը: Apple-ի գործընկերն այս նախագծում թայվանական Quanta Computer ընկերությունն է: Սակայն Apple-ն այս տեղեկությունները պաշտոնապես դեռ չի հաստատել: Quanta Computer-ն արդեն երկար ժամանակ է համագործակցում Apple-ի հետ, մասնավորապես՝ MacBook Air համակարգիչների արտադրության մեջ: