Lenovo-ն մշակել է MacBook Air-ից բարակ նոութբուք

Lenovo ընկերությունը մշակել է 9,7 մմ հաստություն ունեցող նոութբուքի աշխատանքային պրոտոտիպը, որը գրեթե երկու անգամ բարակ է, քան 17 մմ-անոց MacBook Air-ը, հաղորդում է Verge-ը: Նոր՝ ThinkPad 9 Slim նոութբուքը պատրաստված է ածխածնային մանրաթելից, ինչպես Lenovo ThinkPad X1 Carbon գաջեթը: Նութբուքն ունի 13-դյույմանոց էկրան և կշռում է 1 կգ: Դեռ հայտնի չէ՝ ThinkPad 9 Slim-ը կներկայացվի որպես Lenovo-ի ինժեներների հնարավորությունների ցուցադրո՞ւմ, թե՞ կթողարկվի որպես կոմերցիոն արտադրանք: