Apple-ը գնել է Cue էլեկտրոնային օգնականը

Apple-ը գնել է Cue ստարտափը, որը հանդիսանում է iOS սարքավորումների համար նախատեսված էլեկտրոնային օգնականի ծրագրային մշակողը, հաղորդում է TechCrunch-ը: Գործարքի արժեքը կազմում է $50-60 մլն: Նախկինում Cue ծառայությունը կրել է Greplin անվանումը և ներկայացվել կայքով, որոնման համակարգով և iOS բջջային ծրագրով: Cue ծառայությունը հանրահայտ ցանցային ռեսուրսներից  և օգտատիրական էջերից տեղեկատվություն էր մատուցում: Նմանատիպ ծառայություն ունի նաև Android-ի Google Now համակարգը: Cue-ն իր օգտատերերին առաջարկում էր նաև Cue Premium վճարովի գրանցման հնարավորությունը: Նախագծի փակումից հետո, առկա օգտատիրական տվյալները տեղափոխման ենթակա չեն, սակայն այն օգտատերերը, որոնք գրանցվել են  Cue Premium-ի միջոցով, կստանան իրենց տրամադրած միջոցների մնացորդը: