Nokia-ն դադարեցնում է Symbian-ի և MeeGo-ի գործունեությունը

Nokia-ն ծրագրային մշակման մասնագետներին էլեկտրոնային հաղորդագրությամբ հայտնել է այն մասին, որ 2014թ. հունվարի 1-ից Symbian և MeeGo հարթակների համար նախատեսված բջջային ծրագրերի էլեկտրոնային խանութը դադարեցնում է նոր ծրագրերի ընդունման և առկա ծրագրերի թարմացման գործընթացը: Ինչպես հաղորդում է Verge-ը, ֆիննական ընկերության` Symbian հարթակում աշխատող առաջին Nokia 7650 գաջեթը թողարկվել է 2002թ., իսկ շարքը եզրափակել է PureView 808 մոդելը, որը թողարկվել է 2012թ.: